احلى ملكة

وازاى يا دنيا قسمتك دايما تعذب
تخلى ناس على حظها قايمة تندب
وناستناية بتتضايق وتستغرب؟

عمرى ماكنت فى يوم من دول
لكن النهاردة , بقيت اقرب

ملكة فى جمالها وحسنها
وابص القى جنبها
خنشور كبير , قفا معرّض

طب ليه وازاى ؟
مش شايفة فيه كلمة يا باى.؟
ولا ف بالها وتستعبط ؟

ذوقها بايظ ولا ايه؟
ولا ده اللى اسمه ايه
اللى القلوب بتحس بيه
الحل ده هو الاقرب

بس الكلام ما يلقش عليه
يا احلى ملكة ,
الغلطة فى الحب بتتعب ...

نسيت اقول

نسيت اقول
نسيت اقول انى بحب
رغم انها كات ماليه القلب

نسيت اعيش اجمل اوقات
لكن افتكرت اعيش حاجات
جوة العقول بتكون بالذات
تعيش ليالى مكان هواك

نسيت اكون حاسس بقلبى
دايما فى قلبى كنت اخبى
لحد يوم ما زهدت حبى
وقلت ايه اخرتها معاك

فى حاجات كتير انا مش فاهمها
فى حاجات فى قلبى مش حاسمها
عايش معاها ولانسيتها
عايز الجديد ولا اللى فات؟

الرفيق قبل الطريق

قالوا الرفيق قبل الطريق
كلمة حكمة حق وحقيق,
بيهمه اللى يهمك,
ويحس باللى ف قلبك
وحبه ف قلبه ليك
بيخاف عليك
مهتم بيك
ينده يقرب
بيكون قريب ف وقت الضيق
لو :
تقف معاك دنيتك
موش عاملة حسبة لديتك
تعند معاك وتطنشك
تعلنها حرب عليك ,
تلقاه يقف ويالك فريق
بس السؤال:
فين الصديق؟

ياعالم يا متحضر:

ضمير عالمى زايف
شايف وعامل مش شايف
شايف شهيد وجريح
شايف صواريخ بتطيح
بسلام دايخ
يسكت وهايعمل ايه؟
اذا كان عنده تناقض بايخ
ينقذ قطة او كلب
ويسيب الموت ويسب
مظلوم بيقول انا عايش
**

وقت ميت

كتب القلم وخط الأه
يقول شعور مظلوم فى بلاه
اول ما يصرخ يرموا عليه
والنار بقت مالية سماه
والدمار غطى على عينه
ومعنى العربى فى لسانه تاه
يقف يبص شمال ويمين
يلقى ناس هناك مجانين
بيحاربوا فيه معنى الحياة
والوقت واقف على التلين
يحسب فى شهدا متكومين
ولقى التاريخ فوت سطرين
مكسوف يقول م اللى لاقاه
هيكتب ايه ولا ايه ولا ايه؟
رمى القلم وورق حودايته
قال :
لا اله الا الله

يا تعب الفرح

يا تعب الفرح فى قلب قله قسى
غير وشال البهجةاللى تجرى
ف دمه
لدكع دم ما ينكفى
والغربة ورور جواه
تدارى وياها الحياة
والحزن ليه استاذ والدنيا مدرسة
شاغل عيونة بدمعته
وفكره عايش بلوته
وانين صريخ امله
بدا خلاص ينساه
طب حد عايش بلوته؟
او حتى يمسح دمعته؟
كل اللى عارفه....
عارف
لكنه مش معاه
واقف على الشباك والدنيا بتمطر
يحلم يكون هناك
وعيونه بتعبر
بالظبط زى المطر
غريب وعايش بين وشوش غريبة
لكنه ماتغير.
****
رغم السنين بتفوت لكنه ماتغير
برد وضباب وسكون
لما هدى المطر
واتبخرت دمعاته من صهد قلب انفطر
******
وف سماعة التليفون
ساب كل قيد ومانع
ده الوقت مهما يكون
عنده مالهوش مانع
واتعبد للاحباب
بكلام من القلب طالع
رسم لنفسه سراب
طريق وفيه راجع
طيب وايه المانع
مادام صبر ورضى
والحزن ما بقاش قاطع؟؟

مشتاق ليكى يا نفسى

مشتاق ليكى يا نفسى
مشتاق لكل جميل
لما ابص لنفسى
بقول لاء , مستحيل
فين البراءة والطيابة والجمال
فين الحماس والعزيمة والخيال؟؟
وفين وفين وفين؟؟
فين اللى القلب الكبير؟
راح مع لعب العيال ؟
ايوة...
وجه مكانه قلب بلاستك
يشيل كتير ماهوش محستك
يقبل كلام دبش وينقال
يلقى العدو وهو بيضحك !!
ويضحك حتى على خيبتك ,
لو يوم مسكت ف ذكرياتك
****
مش عاوزه قلب
عاوز قلبى وعايز نفسى
اللى جيت بيهم يا خال

سكة طويلة

سكة طويلة وكلها ورد
احلام ونفسى تكون مع حد
حاجات خلاص قربت انساها
راحت ف عقلىلابعد حد..
لكن...
فاضل عليها شوية
حبة معافرة يدوب ع الاد
جم يوم ف حلم,
وفكرونى...
انا قلت خلاص,
لازم تنسونى
وهاجروا من جوايا بجد
ما الحل 1 من 2 :
ياالدنيا تنضف و
يا الحل عند خالق الخلق.

22/7/2008

sodomسدوم

(1)*
هناك بعيد عند الجبال
تحت صخر وتحت رمال
سر ومات..
وكتير من اوسخ الافعال
لكن ...
لكنه مازال
طب يبقى ليه وازاى؟
هو ده كان السؤال
============
(2)*
حريةو كيت وكيت وكيت
وكلام كتير زيه عبيط
ويقولوا ده نوع م الحب
حب يبصم اوسخ قلب
وبياخد اهله لغريق
لو دى حرية...
يبقى اكيد
حق الخالق انه يشيل ويزيح
ملك وحر فى ملك عبيد..
مش عاوز دوا على ارضه
ودا مية المية من حقه
وف قت عبيده بيتسابقوا
على مين فى ذنوبه بيزيد
===========
(3)*
سدوم :
ملعونة على كل كيانك
انتى ومن كان من سكانك
واللى باقى كمان من احفادك
فى زمن بيكم معيوب
يارب بقى
ارحمنا بقى
وعليهم ارمى وبالطوب
والحل برضه يا تاخدنا ,
يا ياتاخدهم
وعلينا تتوب
جاتهم القرف ملو االدنيا والبلد كمان

10.51 الاحد 2/11/2008

وياولدى نصحتك

وياولدى نصحتك :
متقولش لحد عيبه
ليه تجيب عداوة؟
خلّيك حبيبه..
واحنا عرب, بنحب المدح
مايبقاش صح
لو قلت عيبه
............
(2)
لو شفت حد ميت على حلم
وشفته ناسى شيئ مهم,
مات من زمان ونسى يهتم
إوعى تقوله...
خليه ف حلمه
جايز يهم..
اصل الحياة جوه الاحلام
اغلى حاجة للإنسان
ويّا الامل بيكونوا برشام
يقدر ويصبر ع الدنيا بيه
فهمت ليه؟
23/9/2008 رمضان

شفرات نفسية

(1)
ساعة تكون مليانة بجنون
واللى يكون ..
زى مايكون
حلم وعاوز ليه كام يوم؟
ميهمش
بس الساعة دية تدوم
كله بيعمل تحت اديها
عايز يلقى نتيجة فيها
وتفاؤل للى بعديها
ساعة حظ من غير شوم

(2)
رقصة مريم
رقصة سامر
رقصة ناتالى
رقصة نادر
نفس الرقصة...
نفس الفلفصة جوة الشبكة
نفس النهجان
نفس الخوف
نفس الاحزان
نفس الحركة
واللى بيتفرج :
نفس العين وفيها الشهقة
لكن مش نفس الازمان,
حاجات بسيطة هى الفارقة

(3)
نفس السؤال
عن شيئ عمره مانقال
او ممكن انقال...
هناك بعيد فوق الجبال
وبلغة تانية
ولجنس تانى
وف كون تانى
لكن بنفس الحال
جوّاه تركة هموم
سؤالات تغطس تعوم
من معنى كلمة اتقال..

(4)
إستحضار الارواح
الكشف عن غير المباح
لعبة جنون..
لكن ف قلبى ليها ارتياح
يمكن لضعفى وكونى انسى؟
كائن احادى وياما نفسى؟
وطرق كتير خليتنى امشى,
ف مكان غلط
واختار غلط
وحاجات كتير قتلت ارادتى؟
يمكن كده ينشد عودى
ويقوى صفى؟؟
اكيد

(5)
سؤال وجواب
وراحة اجابة..
ونوم كسل من شغل دى غابة
لكن ضمانك ايه لو تلقى
شيطانك مش واخد اجازة؟
اخد عقلك ونزل هناك
يقطع سؤال سبب بلاك
يفتح ببان للتفكير
يفتح ببان لحاجات كتير
تقلق منامك
ومنام كتير جواك؟؟

(6)
قرب كمان
يا ضيف ومستنيه زمان
كل الكلام مانقال هنفهم
طول ما الحروف فينا بترسم...
مشوار حياة
يبقى اللسان فينا هيقسم :
السر هنا كان منتهاه
* وتبقى شاطر لو تنزعه
من جوه قبره تطلعه
ان كان بعربى ولا ايه
سيريانى حتى ليك فيه
** مفتاحه حرف ورصعه

(7)
فى الموت ..
فى النوم..
إشارة
كود شفرة وليه امارة
مبعوت لينا من عنده
يمكن نفهم ف عبارة....
ساعات نلقط الكود,,
ساعات كتير بيفوت
معنى يعيش او يموت
انتا وكللك شطارة
16/9/2008 2.30 م